Coast Guard ship ng China nasa bansa para sa goodwill visit

Nasa Pilipinas ngayon ang Coast Guard ship ng China para sa ilang araw na goodwill visit.

Lulan ng China Coast Guard Vessel 5204 si China Coast Guard director general Wang Zhoncai at mga tauhan nito.

Isang seremonya naman ang inihanda ng Philippine Coast Guard para i-welcome si Wang at ang CCG ship.

Sa kasagsagan ng pagbisita sa bansa na tatagal hanggang sa Biyernes ay magkakaroon ng bilateral talks sa pagitan ng PCG at CCG.

Kabilang sa maaring matalakay ay kung paanong maiiwasan ang collisions sa karagatan ng dalawang bansa, hotline communication, search and rescue operation, at posibleng pagkakaroon ng joint exercises sa maritime security.