75 volcanic earthquake naitala sa nakalipas na magdamag sa Taal Volcano

Umabot na sa 75 ang naitalang volcanic earthquake ng Phivolcs dahil sa pag-aalburuto ng Bulkang Taal.

Ayon sa 8AM Taal Volcano Bulletin ng Phivolcs, sa 75 pagyanig, 32 ang nakapagtala ng intensities.

Naitala ang intensity 2 hanggang 5 sa Tagaytay City, Cabuyao, Laguna; Talisay, Alitagtag, Lemery at Bauan sa Batangas.

Alas 2:49 ng umaga at alas 4:28 ng umaga naman ay nakapagtala ng magmatic eruption sa bulkan.

Nananatili ang alert level 4 sa Taal at ayon sa Phivolcs posible pa rin ang malakas na pagsabog nito sa susunod na mga oras o araw.