Magnitude 4.1 na lindol tumama sa Agoncillo, Batangas

Tuluy-tuloy ang nararanasang pagyanig sa Batangas bunsod ng pag-aalburuto ng Bulkang Taal.

Alas 4:08 ng umaga ng Lunes, Jan, 13 ay naitala ang magnitude 4.1 na lindol sa Agoncillo, Batangas.

Ang epicenter ng pagyanig ay sa layong 7 kilometers north west ng Agoncillo.

Bago ito ay naitala rin ang magkasunod na magnitude 4.1 at 4.0 na lindol sa bayan ng Agoncillo alas 3:11 ng madaling araw at alas 3:24 ng madaling araw.

Samantala, alas 4:18 ng umaga ay naitala din ang magnitiude 3.1 na lindol sa bayan ng Laurel, Batangas.

Habang nakapagtala ng magnitude 3.2 na lindol sa Tagaytay City, alas 4:31 ng umaga.