Ilang parte ng Cavite, Batangas uulanin

Makararanas ng pag-ulan ang ilang parte ng Cavite at Batangas.

Sa thunderstorm advisory ng PAGASA bandang 3:25 ng hapon, iiral ang katamtamang pag-ulan na may kasamang kidlat at malakas na hangin sa Tagaytay, Cavite; Talisay at Taal, Batangas.

Sinabi ng PAGASA na mararamdaman ang pag-ulan sa susunod na dalawang oras.

Dahil dito, pinayuhan ang mga residente sa nasabing lugar na maging alerto sa posibleng pagbaha o pagguho ng lupa.