Magnitude 4.1 na lindol, tumama sa Albay; Intensities, naramdaman sa ilang karatig-lugar

Tumama ang magnitude 4.1 na lindol sa Rapu-Rapu, Albay Sabado ng umaga.

Batay sa impormasyon ng Phivolcs, namataan ang episentro ng lindol sa layong 22 kilometers Northeast ng Rapu-rapu bandang 9:17 ng umaga.

May lalim ang lindol na 23 kilometers at tectonic ang dahilan.

Bunsod nito, naramdaman ang mga sumusunod na intensities:
Intensity 3:
– Legazpi City

Intensity 2:
– Bulusan, Sorsogon

Tiniyak ng Phivolcs na walang inaasahang pinsala at aftershocks matapos ang pagyanig.