3 arestado sa buy-bust sa Mandaue City Cebu

Tatlong hinihinalang drug dealers ang inaresto sa ikinasang buy-bust operation ng mga otoridad sa Mandaue City, Cebu.

Ikinasa ang operasyon alas 3:00 ng madaling araw ng Biyernes, Jan. 10 sa Barangay Banilad.

Ayon kay Police Lt. Troy John Lalamunan, hepe ng Casuntingan Police Station, ang mga suspek ay kinilalang sina Ronelio Luzon, 29; Rember Ybañez, 45 at Eduardo Rizarre, 51 anyos.

Pawang residente ng Barangay Tinago sa Cebu City ang tatlo.

Aabot sa P34,000 na halaga ng shabu ang nakumpiska sa mga suspek.