300,000 katao nakilahok sa Walk with Jesus procession sa Cebu City

Sa Cebu City naging payapa naman ang sitwasyon sa pagsisimula ng 9-day Novena Masses para sa selebrasyon ng Fiesta Señor sa Pilgrim Center ng Basilica Minore del Santo Niño.

Sa pamamagitan ng isang misa na idinaos ay nagbukas na ang selebrasyon 455th Fiesta Señor.

Ayon sa Cebu City Police Office umabot sa 300,000 katao ang nagtipun-tipon sa Fuente Osmeña para sa “Walk with Jesus” hanggang sa matapos ang misa.

Wala namang naitalang untoward incident sa aktibidad.

Sa January 19, 2020 ay idaraos ang High Mass sa naturang simbahan.

Kasabay din ito ng pagdaraos ng Sinulog Festival.