Sarangani, Davao Occidental niyanig ng magnitude 4.4 na lindol

Tumama ang magnitude 4.4 na lindol sa Sarangani, Davao Occidental Miyerkules ng hapon.

Ayon sa Phivolcs, namataan ang episentro ng lindol sa 50 kilometers Southwest ng nasabing bayan bandang 12:11 ng tanghali.

Tectonic ang dahilan ng lindol at may lalim na 15 kilometers.

Dahil dito, naramdaman ang intensity 2 sa Sarangani, Davao Occidental.

Instrumental intensity 1 naman ang naitala sa General Santos City at Malungon, Sarangani.

Walang napaulat na pinsala at aftershocks matapos ang pagyanig.