Klase sa ilang bayan sa Albay sinuspinde dahil sa sama ng panahon

Sinuspinde ang klase sa lahat ng antas sa bayan ng Manito at Bacacay sa lalawigan ng Albay dahil sa sama ng panahon.

Inuulan ang maraming bayan sa Albay dahil sa tail-end of cold front.

Ayon kay Jobert Daria, pinuno ng Municipal Disaster Risk Reduction and Management Office ng Manito. simula Linggo pa ng gabi ay nakararanas ng pag-ulan sa kanilang bayan at umabot sa 144.3 milimeters ang naitalang rainfall amount hanggang kahapon ng hapon.

Dahil dito nagtaas ng alert level 2 sa bayan ng Manito.

Alas 5:00 ng umaga ngayong Martes (Jan. 7) ay isinailalim na sa heavy rainfall warning ng PAGASA ang lalawigan ng Albay at Sorsogon.