WATCH: Sitwasyon sa tradisyonal na “Pahalik”

Maayos pa ang sitwasyon sa “Pahalik” sa Itim na Nazareno sa Quirino Grandstand sa Maynila.

Bagaman hindi pa karamihan ang pumipila ngayong umaga ng Martes (Jan. 7) may barikada na para sa daraanan ng pila.

Ang entrance ng pila ay magsisimula sa TM Kalaw sa kanto ng Roxas Boulevard.

Ang kahabaan ng daraanan ng mga taong pipila para sa “Pahalik” ay may mga nakabantay na pulis.

Dalawang beses din ang daraanang pagsusuri sa gamit ng mga pipila.

Una nang sinabi ng National Capital Region Police Office na sa pagsisimula ng “Pahalik” ay 481 na pulis na ang magbabantay.

Ito ay para masiguro ang kaligtasan ng mga publiko na magtutungo sa Grandstand.