Dating national security adviser ni U.S. Pres. Donald Trump handing tumestigo sa impeachment trial

Handang tumestigo sa impeachment trial ni U.S. President Donald Trump ang kaniyang dating national security adviser na si John Bolton.

Inaasahan ng House of Representatives sa U.S. na malaking bagay at marami silang makukuhang ebidensya sa mga magiging testimonya ni Bolton.

Partikular na hihilingin kay Bolton ang mga impormasyon sa ginawang pagpwersa umano ni Trump sa Ukraine para imbestigahan ang kaniyang katunggali sa pulitika.

Si Bolton ay binanggit na ng iba pang testigo na nagsalita sa House impeachment investigation.

Lumilitaw sa imbestigasyon na tinanggihan ni Bolton ang pasya ni Trump na i-delay ang $390 million na military aid sa Ukraine.