Halos 300 sakay ng sumadsad na barko sa Misamis Occidental, ligtas lahat ayon sa Coast Guard

Nailigtas lahat ng Philippine Coast Guard at ng mga tauhan ng Municipal Disaster Risk Reduction and management Office (MDDRMO) ang halos 300 sakay ng sumadsad na barko sa Plaridel, Misamis Occidental.

Ayon sa Coast Guard kabuuang 288 ang nailigtas na sakay ng passenger vessel na Ocean Jet 7 – 271 dito ay pasahero at 17 ang crew.

Hinampas ng malalaking alon ang barko pag-alis nito sa Plaridel Port at patungo sana ng Tagbilaran City, Bohol kahapon (Jan. 6) ng umaga.

Dahil dito bumangga ang starboard ng barko ang nakitaan ng kaunting crack.

Nagbahagi pa ng video sa twitter ang isang pasahero ng barko at nanawagan sa coast guard na sila ay i-rescue.