Tumamang lindol sa Sarangani, Davao Occidental itinaas sa magnitude 5

(UPDATED) Itinaas sa magnitude 5 ang tumamang lindol sa Sarangani, Davao Occidental Lunes ng hapon.

Ayon sa Phivolcs, namataan ang episentro ng lindol sa layong 31 kilometers Southwest ng nasabing bayan bandang 3:25 ng hapon.

Tectonic ang dahilan ng lindol at 17 kilometers ang lalim.

Dahil dito, naitala ang mga sumusunod na intensities:

Intensity 5:
– Sarangani, Davao Occidental

Intensity 4:
– Glan, Sarangani

Intensity 3:
– General Santos City

Intensity 2:
– Kiamba, Malungon at Alabel, Sarangani
– Polomolok at Tupi, South Cotabato

Samantala, instrumental intensities naman ang naramdaman sa mga sumusunod:

Intensity 3:
– General Santos City

Intensity 2:
– Malungon, Alabel at Kiamba, Sarangani
– Tupi, South Cotabato

Intensity 1:
– Koronadal City
– Kidapawan City

Wala namang pinsala na naitala sa lugar.

Gayunman, inaasahan pa ang aftershocks matapos ang pagyanig.