Mahinang lindol naitala sa Governor Generoso, Davao Oriental

Niyanig ng magnitude 3 na lindol ang Davao Oriental, Lunes ng hapon.

Sa datos ng Phivolcs, namataan ang episentro ng lindol sa 139 kilometers Southeast ng Governor Generoso bandang 2:03 ng hapon.

May lalim ang lindol na 28 kilometers at tectonic ang dahilan.

Wala namang napaulat na pinsala sa lugar.

Wala ring inaasahang aftershocks matapos ang pagyanig.