Fast craft na may lulang mahigit 200 pasahero sumadsad Plaridel Port sa Misamis Occidental

Nagpapatuloy ang rescue operations sa halos 300 mga pasahero ng isang fast craft makaraang sumadsad ito sa Plaridel Port sa Misamis Occidental.

Sa panayam ng Radyo Inquirer sinabi ni Coast Guard Spokesperson Capt. Armand Balilo, 271 ang pasaherong sakay ng Ocean Jet 7 nang ito ay sumadsad habang paalis sa pantalan ngayong umaga ng Lunes (Jan. 6).

Na-stranded sa loob ng barko ang mga pasahero bago tuluyang mai-rescue.

Hinihintay sana ng kapita ng barko ang high tide pero nakitaan ng crack ang kanang bahagi ng fast craft na maaring pasukan ng tubig kaya nagpasaklolo na sila sa coast guard.

As of 8:30 ng umaga sinabi ni Balilo na isangdaang pasahero na ang naibaba.

Nagpapatuloy pa ang pagsagip sa iba pang mga pasahero.

See more

@coastguardph WE NEED IMMEDIATE RESCUE ‼️ pic.twitter.com/U8ihdaLqHF

— Daniel Et 🌌 (@danielteeee) January 5, 2020