Anim sugatan sa magkakasunod na pagsabog malapit sa U.S. Embassy sa Baghdad

Sugatan ang anim na katao sa magkakasunod na pagbagsak ng rockets malapit sa U.S. Embassy sa Baghdad, Iraq.

Nangyari ang pag-atake, ilang oras lamang matapos ipatawag ang ambassador ng Amerika sa Iraq para magpaliwanag sa airstrike sa Baghdad Airport na ikinasawi ng matataas na opisyal ng Iran.

Ito na ang ikalawang sunod na gabi na inatake ang Green Zone at ika-14 na pagkakataon sa nakalipas na dalawang buwan.

Noong Biyernes, iniutos na ng Amerika ang agarang paglilikas sa mga mamamayan nilang nasa Iraq.

Inabisuhan din ang lahat ng American Citizens sa Iraq na iwasan na lamang muna ang magtungo sa sa embahada. (END/DD)