IBP, kinondena ang pamamaril sa isang abogado sa Dumaguete City

Kinondena ng Integrated Bar of the Philippines (IBP) ang pamamaril sa isang abogado sa Dumaguete City.

Tinambangan si Atty. Ray Moncada, 74-anyos, sa labas ng bahay nito sa Barangay Daro, Biyernes ng umaga.

Sa inilabas na pahayag, hiniling ng IBP ang “quick identification” at “full punishment” para sa responsable sa krimen.

Sinabi pa ng IBP na pangungutya ang pamamaril kay Moncada sa justice system sa bansa.

Handa naman ang IBP na pagpaabot ng tulong kay Moncada at sa pamilya nito.

Matatandaang isinailalim sa operasyon si Moncada sa Siliman University Medical Center makaraang magtamo ng tama ng bala sa katawan.