1 patay, maraming iba pa ang sugatan sa pagbangga ng bus sa pampasaherong jeep sa Sorsogon

Isa ang patay habang sugatan ang iba pa makaraang bumangga ang isang bus sa pampasaherong jeep sa Sorsogon.

Nangyari ang aksidente araw ng Biyernes (Jan. 3) sa Maharlika Highway sa Sorsogon City.

Nasawi ang isa sa mga pasahero habang dinadala sa ospital.

Hindi pa naman malinaw sa ulat ng Bicol Region Police Office kung ang nasawing pasahero ay mula sa jeep.

Nagbababa noon ng pasahero ang jeep sa Brgy. Bulabog nang bumangga dito ang Ultra Bus.

Pawang dinala sa ospital ang mga nasugatan pang pasahero.