MMDA may abiso sa publiko hinggil sa restriction code ng driver’s license

Naglabas ng abiso sa publiko ang Metropolitan Manila Development Authority (MMDA) hinggil sa mensaheng kumakalat na nanghuhuli umano ang mga MMDA Enforcer ng driver na may maling restriction code sa driver’s license.

Sa abiso ng MMDA, sinabi nitong hindi sila nanghuhuli ng anumang paglabag na may kinalaman sa restriction code ng driver’s license.

Sa kasalukuyan, hindi umano ito kasama sa hurisdiksyon ng ahensya.

Payo ng ng MMDA sa mga motorista, kung may MMDA enforcer na manghuhuli sa kanila ng dahil sa naturang paglabag, agad itawag sa MMDA hotline 136.