Pagpapatupad ng bagong bagong passenger traffic scheme sa LRT-1 bukas hindi muna itutuloy

Hindi muna itutuloy ng LRT line 1 ang pagpapatupad ng bagong passenger traffic scheme nito.

Dapat sana ay bukas, January 4, 2020 sisimulan ang bagong traffic scheme ng LRT-1 na ipatutupad sa Monumento, Balintawak, and Roosevelt stations.

Pero ayon sa pahayag ng Light Rail Manila Corporation (LRMC) para ma-accommodate ang mga deboto ng Itim na Nazareno sa January 9, 2020 ipagpapaliban muna ang pagpapatupad ng bagong passenger traffic scheme.

Iaanunsyo na lamang ng LRMC kung kailan ito itutuloy.

Ang bagong passenger traffic scheme ay bunsod ng ginagawang Common Station o ang Unified Grand Central Station (UGCS) na magdudugtong sa LRT-1, MRT-3 at MRT-7.