Zero backlog para sa taong 2019 nakamit ng NCRPO

Nakamit ng National Capital Region Police Office ang target nitong ‘zero backlog’ para sa mga kasong administratibo noong 2019.

Ayon kay Police Brigadier General Debold Sinas, naresolba ng NCRPO ang lahat ng administrative complaint sa kanilang mga tauhan.

Umabot aniya sa 2,000 ang backlog ng mga kaso hanggang sa mapababa ito at tuluyang maresolba lahat.

Sa datos ng NCRPO, noong 2019 umabot sa 1,755 ang administrative cases at dalawang mosyon ang tinanggap ng NCRPO.

Bago ang 2019 ay mayroon pang backlog na 1,321 cases at 695 na motions for reconsideration.