Kampo ng mga Ampatuan naghain na ng notice of appeal sa QC-RTC

Hihintayin muna ng kampo ng mga Ampatuan na maisumite ng Quezon City Regional Trial Court sa Court of Appeals ang case record ng Maguindanao massacre case records bago sila maghain ng apela.

Ito ang kinumpirma ni Atty. Paul Laguatan matapos nilang ihain ang notice of appeal sa QC-RTC kaya hindi na sila maghahain ng motion for reconsideration sa korte.

Magugunitang December 19 nung hinatulang guilty ni QC-RTC Branch 221 Judge Jocelyn Solis-Reyes sa kasong murder ang mga magkakapatid na Ampatuan dahil sa pagkamatay ng 57 katao kabilang na ang 32 mamamahayag.

Samantala tiniyak naman ng Department of Justice na maghahain sila ng oposisyon o pagtutol kapag naisumite na mg mga Ampatuan ang kanilang apela.