May gagampanang papel si Miss Universe 2015 Pia Wurtzbach sa coverage ng taunang sporting events na Super Bowl.
Inanusyo ng Inside Edition na si Wurtzbach ay magsisilbing special correspondent para sa nasabing TV program sa paghahatid nila ng mga kaganapan sa pinaka-aabangang Super Bowl.
The Super Bowl teams are set and so is our special correspondent: @MissUniverse!
https://t.co/WFpER13xdT
— Inside Edition (@InsideEdition) January 25, 2016
Ang Super Bowl ay annual championship game ng National Football League (NFL) at itinuturing na biggest sporting event sa Estados Unidos.
Sa post sa twitter account ng Inside Edition, kinumpirmang si Wurtzbach ay maghahatid ng mga behind the scenes sa Super Bowl.
“Pia Wurtzbach was crowned in December, and now she’s adding another title, she will making a debut as a special correspondent during a Super Bowl for Inside Edition. It’s the first time Miss Universe who hails from the Philippines will experience America’s biggest sporting event of the year,” ayon sa anunsyo ng Inside Edition.
Sa official Miss Universe facebook page, inanunsyo din ang nasabing balita.
Ayon kay Pia, excited siya sa magiging papel niya bilang special correspondent para sa coverage ng Super Bowl.