Dewayne Dedmon ng Sacramento Kings pinatawan ng $50,000 na multa ng NBA

Pinagmulta ng $50,000 ng NBA si Dewayne Dedmon ng Sacramento Kings.

Ito ay matapos ang pahayag ni Dedmon na nais niyang magpa-trade.

Ayon sa NBA, ang ginawa ni Dedmon na public trade request ay paglabag sa collective bargaining agreement.

Sa panayam sa isang pahayagan, sinabi ni Dedmon na nais niyang magpa-trade dahil gusto niyang mapunta sa koponan na maa-appreciate ang kaniyang talento.

Sa labingtatlong game ng Sacaramento ay 2 beses lamang nakapaglaro si Dedmon.