Tumagal lang ng isang oras ang isinagwang prusisyon na mas mabilis kumpara noong nagdaang mga taon.
Ang Thanksgiving Procession ay hudyat ng pagsisimula ng siyam na araw na novena para sa Traslacion.
Ayon sa National Capital Region Police Office (NCRPO), nagsimula ang prusisyon bago mag ala 1:00 ng madaling araw.
Kadalasang inaabot ng 10 hanggang 12 oras ang prusisyon kada taon, pero ngayon ay inabot lang ito ng isa at kalahating oras.
Sinabi ni NCRPO chief, Police Brig. Gen. Debold Sinas, sumunod ang mga tao sa alituntunin at pinigilan ang mga nais na tumawid o sumingit kaya naging maayos ang daloy ng prusisyon.
Tinatayang aabot sa 10,000 pulis ang itinalaga para mapanatili ang kaayusan ng prusisyon.