Biyahe sa mga pantalan sa Quezon, balik-normal na

Balik normal na ang biyahe ng mga sasakyang pandagat sa mga pantalan sa Quezon Province.

Ito ay dahil bumuti na ang lagay ng panahon sa lalawigan, matapos manalasa ang Typhoon Ursula.

Sa abiso ng Quezon Provincial Disaster Risk Reduction and Management Office, balik normal na ang biyahe sa Atimonan Feeder Port ngayong araw ng Huwebes, December 26.

Kabilang dito ang mga biyaheng Atimonan patungong Alabat at Atinoman to Perez.

May biyahe na rin ang mga sasakyang pandagat na mula Polilio to Real at pabalik.