Water level ng Angat dam sumampa na sa 199-meter level

Umabot na sa 199-meter level ang antas ng tubig sa Angat dam.

Sa datos ng PAGASA Hydrology Division, alas 6:00 ng umaga ngayong araw ng Huwebes, December 26 ay nasa 199.40 meters na ang water level ng dam.

Mas mataas ito sa 198.80 meters na antas ng tubig nito kahapon,pero malayo pa sa 212 meters na normal high water level ng Angat dam.

Tumaas din ang water level ng Ipo dam at La Mesa dam na nasa 101.09 meters at 77.60 meters.

Nadagdagan din ang antas ng tubig sa Binga at Caliraya dams.

Habang nabawasan naman ang water level ng Ambuklao, San Roque, Pantabangan at Magat dams.