Mobile at internet services ng Globe, hindi muna magagamit sa Visayas at Southern Luzon

Inanunsiyo ng Globe Telecom Inc. na pansamantalang hindi nagagamit ang kanilang mobile at internet service sa Visayas at Southern Luzon.

Ayon sa kumpanya, ito ay bunsod ng pinsalang idinulot ng Bagyong Ursula.

Matindi anilang napinsala ang mga sumusunod na lugar:
– Eastern at Western Samar
– Leyte
– Capiz
– Aklan (kasama ang Boracay)
– Roxas

Tiniyak naman ng Globe sa mga customer na minamadali na ang pag-aayos para maibalik ang kanilang serbisyo.

Humingi rin ng paumanhin ang kumpanya sa idinulot na abala ng aberya sa kanilang serbisyo.

Nakikiisa anila ang Globe sa pag-aalay ng panalangin sa mga apektadong pamilya ng bagyo lalo na ngayong araw ng Pasko.