M3.4 na lindol naitala sa Davao Oriental

Niyanig ng magnitude 3.4 na lindol ang bahagi ng Davao Oriental ala-1:17 Lunes ng madaling-araw.

Ayon sa Phivolcs, ang episentro ng lindol ay sa layong 127 kilometro Timog-Silangan ng Governor Generoso.

May lalim itong pitong kilometro at tectonic ang dahilan.

Hindi naman ito nagdulot ng pinsala sa mga ari-arian at wala ring inaasahang aftershocks.