Agriculture Department ng US walang paliwanag kung bakit kasama sa listahan nila ng free trade partner ang “Wakanda”

Hindi nagbigay ng paliwanag ang U.S. Department of Agriculture (DA) kung bakit napasama sa listahan ng US free trade partner ang “Wakanda”.

Sa halip na magpaliwanag, nag-tweet na lang ang USDA at sinabing inaalis na nila sa listahan bilang free trade partner ang “Wakanda”.

Ang “Wakanda” ay hindi totoong bansa kundi isang kathang-isip lamang at ginamit sa pelikulang “Black Panther”.

Una rito ay isang engineer na naka-base sa Ney York ang nag-tweet at pinuna ang pagkakasama ng “Wakanda” sa mga listahan ng USDA blang trade partner.

Nakita ng naturang engineer ang “Wakanda” sa tariff tracker sa website ng USDA.

Sa nasabing tariff tracker makikita ang mga bansa na kapalitan ng US ng mga hayop, produktong dairy goods, tobacco at alak.