Zaldy Ampatuan, nakalabas na ng Makati Medical Center

Nakalabas na si dating Autonomous Region in Muslim Mindanao (ARMM) Governor Zaldy Ampatuan sa Makati Medical Center, araw ng Miyerkules (December 18).

Nakalabas ng ospital si Ampatuan isang araw bago ang ilalabas na hatol hinggil sa Maguindanao massacre case.

Mahigpit na binabantayan ng Bureau of Jail Management and Penology (BJMP) si Ampatuan na nasa wheelchair nang lumabas sa ospital.

Ipinag-utos ng Quezon City court ang panunumbalik ni Ampatuan sa Camp Bagong Diwa sa Taguig City.

Matatandaang na-confine nang halos 40 araw si Ampatuan sa ospital matapos magtamo ng stroke noong Oktubre.