Lolo patay sa aksidente sa Bacolod

Nasawi ang isang 62 taong gulang na lalaki matapos itong mabangga ng isang sasakyan sa Araneta St. sa Bacolod City, alas 2:30 madaling araw ng Miyerkules (December 18).

Batay sa salaysay ng mga nakasaksi sa aksidente ay kinakausap umano ng biktima ang driver ng tricycle na sasakyan
sana nito ngunit bigla na lamang siyang binangga ng isang sasakayang humaharurot na ikinasawi ng biktima.

Nagtangkang tumakas ang nakabangga pero bumangga naman ito sa pader ng isang gasoline station.

Dinala sa ospital ang nakabanggang driver.