Pangulong Duterte, simple lang na magdiriwang ng Pasko

Payak at simple lamang ang magiging selebrasyon ni Pangulong Rodrigo Duterte ngayong Pasko.

Ayon kay Presidential spokesman Salvador Panelo, gaya nang nakagawian, sa Davao lamang magpa-Pasko ang pangulo kasama ang kanyang pamilya.

“The President, as usual, will be spending his Christmas with his family, with his grandchildren, and children in his house in Davao City,” ani Panelo.

Hangad aniya ng pangulo na magkaroon ng komportableng pamumuhay ang bawat pamilyang Filipino.

“His wish for the Filipinos is to have comfortable lives,” dagdag ni Panelo.

Hindi naman matukoy ni Panelo kung bibisita rin ang pangulo sa mga batang Cancer patients gaya ng kanyang nakagawian tuwing Pasko.