LRT-2 may libreng sakay ngayong araw, Rizal Day

May handog na libreng sakay ang Light Rail Transit Authority (LRTA) sa LRT-2 para sa araw na ito, December 30, Rizal Day.

Ayon sa abiso ng LRTA, alas-7:00 hanggang alas-9:00 ng umaga at alas-5:00 ng hapon hanggang alas-7:00 ng gabi ang libreng sakay.

Ginugunita ng bansa ngayong araw ang ika-123 anibersaryo ng kamatayan ng pambansang bayani.

Sa ngayon, ang operasyon ng LRT-2 ay mula Recto hanggang Cubao at pabalik lamang.

Nananatiling nakasara ang Anonas, Katipunan at Santolan stations bunsod ng nasunog na rectifiers noong Oktubre.