LOOK: Konstruksyon ng PNR Clark Phase 1, tuloy pa rin

Tuloy pa rin ang konstruksyon ng Philippine National Railways (PNR) Clark Phase 1 (Tutuban-Malolos).

Ibinahagi ng Department of Transportation (DOTr) sa Facebook sa pamamagitan ng JICA Philippines ang sitwasyon ng proyekto.

Bahagi ang PNR Clark Phase 1 ng North-South Commuter Railway (NSCR) Project.

Oras na maging fully operational, makakatulong ito na mabawasan ang biyahe mula Maynila papuntang Bulacan at pabalik.

Mula sa dating isang oras at 30 minuto, makakaigsi ng 38-kilometer rail line ang biyahe nang 35 minuto.

Inaasahang maseserbisyuhan ng tren ang nasa 300,000 pasahero kada araw.