Magnitude 3.1 na lindol, yumanig sa Davao del Sur

Tumama ang magnitude 3.1 na lindol sa Davao del Sur, Sabado ng umaga.

Sa datos ng Phivolcs, namataan ang episentro ng lindol sa 26 kilometers Southwest ng Davao City bandang 8:27 ng umaga.

1 kilometer ang lalim ng lindol at tectonic ang dahilan.

Bunsod nito, naitala ang intensity 2 sa Davao City.

Naitala rin ang mga sumusunod na instrumental intensities:
Intensity 2 – Davao City
Intensity 1 – Kidapawan City

Sinabi ng Phivolcs na walang napaulat na pinsala sa lugar.

Wala ring inaasahang aftershocks matapos ang pagyanig.