Mga estudyante, biktima ng umano’y food-poisoning sa isang Christmas party sa Negros Occidental

Isinugod sa ospital ang nasa 49 estudyante ng Maao Elementary School sa Bago City sa Negros Occidental dahil sa sumama ang kanilang pakiramdam, umaga ng Huwebes (December 13).

Nakaramdam umano ang ilan sa mga Grade 1 students ng pananakit ng tiyan, pagsusuka at pagkahilo na sintomas ng food poisoning kaya agad silang dinala sa clinic ng barangay at ang ilan sa mga pasyente ay inilipat sa Bago City Hospital.

Ayon sa Local Disaster Risk Reduction Management Office ng Bogo City, posibleng sumama ang pakiramdam ng mga estudyante dahil sa handang spaghetti sa Christmas party.

Magsasagawa ng imbestigasyon ang City Health Office kaugnay sa nagyaring insidente.