Ang apat na “bookies” ay nadakip sa ikinasang operasyon sa Lucena City, Miyerkules (Dec. 11) ng gabi.
Kinilala ang mga naaresto na sina Carlos Maximo, Cleofe Padilla, Aireen Hermoso at Nholan Padilla.
Naaktuhan sila habang kumukulekta ng at nagbibilang ng pera sa Barangay Ilayang Iyam.
Ayon kay Colonel Audie Madrideo, Quezon police director, nakumpiska sa mga suspek ang STL bet collection forms, claculators, at mga perang taya.
Nabigo ang apat na makapagpakita ng ID na magpapatunay na sila ay mula sa Pirouette Gaming Corp., na natatanging licensed STL operator sa lalawigan.
Mahaharap sila sa kasong paglabag sa Republic Act No. 9287 (An Act Increasing the Penalties for Illegal Numbers Game, Amending Certain Provision of Presidential Act 1602 and for Other Purposes).