Sa inaprubahang substitute bill para sa welfare at protection ng mga caregivers dito man sa bansa o sa abroad Magkakaroon ng mahigpit na polisiya sa mga private employment agencies na nagha-hire ng mga caregivers sa pamamagitan ng paglilisensya at pag-regulate sa mga ito ng Department of Labor and Employment (DOLE) upang matiyak na ligtas at legal ang pinapasukang trabaho ng mga caregivers.
Pinatitiyak din dito na kailangang makakatanggap ng tamang sahod at nararapat na benepisyo ang mga ito.
Ipinasasailalim din sa pre-employment orientation ang mga caregivers at mga employers gayundin ang pagkakaroon ng kontrata upang malinaw ang karapatan at responsibilidad sa bawat isa.
Kinikilala ng panukala ang mahalagang papel na ginagampanan ng mga caregivers sa national development ng bansa.