Sa panayam ng Radyo Inquirer, sinabi ni Presidential spokesman Salvador Panelo na tuloy lamang sa pagtatrabaho ang pangulo kahit sa Pasko.
Sinabi pa ni Panelo na masyadong workaholic ang pangulo at hindi magpapahinga sa trabaho.
Ayon kay Panelo, kahit na pinayuhan ng mga doktor na magpahinga at magbakasyon, tuloy pa rin ang pangulo sa trabaho.
“Si Presidente naman nakikita ko naman, walang pahinga. Masyado ngang workaholic itong mama. Sabi nga niya magbakasyon, wala naman eh.. talagang napaka devoted sa kanyang trabaho bilang Presidente,” ani Panelo.
Karaniwang inaabot ng madaling-araw si Pangulong Duterte sa trabaho pati na sa Cabinet meeting.
Una rito, sinabi ng pangulo na nakararanas siya ng Barret’s Esophagus, Buerger’s Disease. Myasthenia Gravis, muscle spasm, migraine at back pain.
Narito ang buong ulat ni Chona Yu:
