Vice Ganda namahagi ng tulong sa mga biktima ng bagyo sa Oriental Mindoro

Naghatid ng tulong si Vice Ganda sa mga biktima ng Bagyong Tisoy sa Pinamalayan, Oriental Mindoro, araw ng Biyernes.

Hindi na tinapos ng komedyante ang Friday episode ng It’s Showtime para agad na makarating sa typhoon victims.

Magugunitang isa ang lalawigan sa mga pinaka-sinalanta ng Bagyong Tisoy.

Sa kanyang Instagram stories, makikita ang pagsakay ng Unkaboggable Star sa chopper sa rooftop ng ABS-CBN ELJ Building.

Sa isa namang Instagram post, makikitang tuwang-tuwa ang mga lola sa pagbisita ng Kapamilya star.

Inawit nito ang sikat na 2009 Christmas Station ID na ‘Star ng Pasko’.

Apela ng komedyante, idaan ang mga pagsubok sa pagngiti dahil ito ay makapangyarihan.

Ani Vice, kakayanin ang mga problema kapag kaya ng bawat isang ngumiti.

See more