State of calamity idineklara na sa buong Cagayan

Nagdeklara na ng state of calamity sa buong lalawigan ng Cagayan.

Ito ay bunsod ng epekto ng pag-ulan na dulot ng Typhoon Tisoy at tail end of a cold front.

Ayon kay Cagayan Governor Manuel Mamba, nangangailangan ng maraming tulong ang Cagayan partikular sa agrikultura at imprastraktura.

Sa pamamagitan ng deklarasyon ng ng Sangguniang Panlalawigan ay isasailalim sa state of calamity ang Cagayan.

Maraming bayan pa rin ang binabaha sa Cagayan bunsod ng patuloy na pag-ulan.

Umabot na sa 10,000 hanggang 15,000 pamilya ang inilikas sa lalawigan.