State of calamity idineklara sa Tuguegarao City

Nagdeklara na ng state of calamity sa Tuguegarao City dahil sa naranasang malawakang pagbaha.

Inaprubahan ng Sangguniang Panlungsod sa isinagawang special session ang kahilingan ni Tuguegarao City Mayor Atty. Jefferson P. Soriano na magpasa ng resolusyon para magdeklara ng state calamity sa lungsod.

Pinangunahan ni City Vice Mayor Bienvenido De Guzman ang nasabing special session.

Maraming barangay sa Tuguegarao ang nalubog sa baha dahil sa pag-ulan na dulot ng tail end ng cold front.

Nagpatupad na rin ng evacuation sa mga apektadong barangay.