Mahigit 200 pamilya na inilakas sa Valenzuela City dahil sa bagyong Tisoy nakauwi na

Nakabalik na sa kani-kanilang mga tahanan ang mahigit 200 pamilya na inilikas sa Valenzuela City dahil sa bagyong Tisoy.

Sa update mula sa Valenzuela City Government, isinara na ang lahat ng evacuation centers na kanilang binuksan kahapon.

Kabilang sa mga ito ang Wawang Pulo National High School, Veinte Reales Elementary School,
Pasolo Elementary School at Marulas National High School.

Kahapon umabot sa 261 na pamilya ang inilikas sa nasabing mga paaralan.

Bawat pamilya ay may kani-kaniyang tent na pansamantala nilang tinuluyan.