Bahagi ng Pampanga, Zambales, at Bataan uulanin sa susunod na mga oras

Makararanas ng pag-ulan sa susunod na mga oras sa ilang bahagi ng Pampanga, Zambales at Bataan.

Ayon sa rainfall advisory ng PAGASA na inilabas alas 5:00 ng umaga ng Miyerkules (Dec. 5) mahina hanggang sa katamtamang pag-ulan ang mararanasan sa Floridablanca, Pampanga; mga bayan ng San Antonio, Subic, Olongapo, Castillejos, San Marcelino, San Narciso, San Felipe at Cabangan sa Zambales at sa buong lalawigan ng Bataan.

Aasahan din ang mahina hanggang sa katamtamang pag-ulan sa Tarlac at NUeva Ecija at at sa iba pang bahagi ng Pampanga at Zambales.

Pinapayuhan ng PAGASA ang publiko na maging alerto at maging maingat sa posibleng pagbaha.