Higit 100 pamilya, inilikas sa isang barangay sa Maynila

Inilikas ang mahigit 100 pamilya sa isang barangay sa Lungsod ng Maynila.

Ito ay dahil pa rin sa tuluy-tuloy na nararanasang pag-ulan bunsod ng Typhoon “Tisoy.”

Sa datos ng Manila Public Information Office (PIO) hanggang 1:20 ng hapon, nasa kabuuang 145 pamilya mula sa Barangay Isla Puting Bato ang inilikas.

Pansamantalang namamalagi ang mga apektadong pamilya sa Delpan Evacuation Center.

Namahagi naman ang mga tauhan ng Manila Department of Social Welfare ng ulam na tinolang manok para sa evacuees.

Umaasiste rin sa evacuees ang ilang pulis-Maynila at Department of Public Services sa pamimigay ng mga pagkain.