Sa Memorandum na nilagdaan ni San Juan City Mayor Francis Zamora, sa lungsod ng San Juan gagawin ang 3 on 3 Basketball games at E-sports events particular sa Filoil Flying Center.
Ang nasabing mga laro ay gaganapin sa December 1, 2, 5, 6, 7, 8, 9 at 10, 2019.
Ayon kay Zamora, sa mga school days na matatapat sa mga petsang may event ng SEA Games sa San Juan ay suspendido ang klase.
“Suspension of classes in ALL LEVELS for both public and private schools is hereby declared for the school days coinciding with the abovementioned game days in the City of San Juan,” ayon sa memorandum.
Pinayuhan din ang mga residente na suportahan ang mga palaro at ang mga panlaban ng Pilipinas.
Layunin din ng suspensyon na maibsan ang pagsisikip sa daloy ng traffic at matiyak na magiging maayos ang biyahe ng mga atleta at delegado.