Sen. Lito Lapid nais magkaroon ng senior citizen representative sa bawat LGU councils

Isinusulong ni Senator Manuel “Lito” Lapid ang pagkakaroon senior citizen sectoral representative sa lahat local legislative councils.

Paliwanag ni Lapid layon ng kanyang panukala na magkaroon ng bahagi ang mga senior citizens sa lokal na pamamahala at lehislatura.

Aniya isang paraan ito para maging kapaki-pakinabangan pa ang tumatandang populasyon ng bansa.

Sa kanyang Senate Bill No. 1169, magkakaroon ng mandatory sectoral representation ang senior citizens sa mga local government legislative councils, mula sa barangay hanggang sa sangguniang panlalawigan.

Maganda aniya na marinig ang panig ng mga senior citizens sa pagbalangkas ng mga lokal na ordinansa lalo na para sa kanilang kapakanan at pangangailangan.