Water level sa Angat dam nadagdagan sa nakalipas na magdamag

Nadagdagan sa nakalipas na 24 na oras ang antas ng tubig sa Angat dam.

Sa datos ng PAGASA Hydrology, alas 6:00 ng umaga ngayong Biyernes, Nov. 29 ay 188.61 meters ang water level ng dam.

Mas mataas kumpara sa 188.10 meters na water level nito kahapon.

Kapwa naman bahagyang nabawasan ang antas ng tubig sa Ipo dam at La Mesa dam na nasa 100.39 meters at 77.48 meters.

Nabawasan din ang antas ng tubig sa Ambuklao at Binga dams.

Habang nadagdagan naman ang antas ng tubig sa San Roque, Pantabangan, Magat at Caliraya dams.