Biyahe ng LRT -1 nagka-aberya, ilang minutong nasuspinde ang operasyon

Nakaranas ng aberya sa biyahe ang mga pasahero ng LRT line 1.

Alas 9:06 ng umaga ng Huwebes, Nov. 28 nang magpatupad ng speed restriction sa LRT-1.

Pagsapit ng alas 9:13 ng umaga, nagtaas na ng code red sa LRT-1 southbound at pansamantalang sinuspinde ang operasyon dahil sa isang tren na depektibo.

Nagpatupad din ng stop entry habang inaayos ang tren na nagkaprolema sa R. Papa Station southbound.

9:18 ng umaga nang maibalik sa normal ang biyahe ng mga tren.

Pero pinayuhan pa rin ang mga pasahero na maglaan ng dagdag na oras sa biyahe dahil humaba na ang pila sa mga istasyon bunsod ng ilang minutong aberya.